Ekonomiese & Markoorsig – Mei 2018

Posted on

Internasionaal

Die gematigde groei in ontwikkelde ekonomieë gedurende die eerste kwartaal van 2018, dui daarop dat wêreld ekonomiese groei hierdie jaar minder robuust kan wees as wat verwag word, alhoewel die afswaai waarskynlik nie lank sal aanhou nie. In vergelyking met die laaste kwartaal van 2017, het beide die Eurosone (0.4%) en die Verenigde Koninkryk (0,1%) teen ‘n slakkepas gegroei. Onderliggende omstandighede in hierdie twee gebiede is egter steeds bestendig, ‘n aanduiding dat die verlangsaming bloot tydelik is.

Globale Aankoopbestuurdersindeks (PMI)-syfers vir April dui op ‘n herstel in die tweede kwartaal van die jaar aangesien vervaardigings-toestande oral verbeter het. Tegemoetkomende monetêre toestande, in kombinasie met ‘n sterk toename in werkverskaffing en stygende looninflasie, behoort verbruikersbesteding aan te spoor, wat sal lei tot ‘n geleidelike toename in globale groei gedurende die res van die jaar.

Aan die ander kant van die oseaan, vaar die Amerikaanse ekonomie steeds goed. In hierdie gevorderde stadium van die huidige ekonomiese siklus (wat in 2009 begin het), is daar verbasend min tekens wat dui op ‘n hangende resessie. Inflasie in die Verenigde State het nou bo 2% beweeg en sal heel moontlik tot 2.4% styg voor die einde van die jaar. Dit sal waarskynlik die Federale Reserweraad aanspoor om die rentekoersverhogings voort te sit. Hierdie verwagting word weerspieël in die opbrengste van die tienjaar-Amerikaanse Tesourie, aangesien dit teen die einde van April vir die eerste keer in sewe jaar bo 3% beweeg het.

Wat die handelsoorlog aanbetref, was April redelik stil, maar ons het nou al geleer om nie President Trump se besluite en aanmerkings tot enige mate van akkuraatheid te probeer voorspel nie. Wees maar gereed vir twiets van die Donald oor tariewe en belastings om beduidende wisselvalligheid in die komende maande te veroorsaak.

Groei in wêreld aandelemarkte het in 2017 en die eerste kwartaal van 2018 die meeste van die goeie ekonomiese nuus weerspieël en beleggers kan verwag dat die verhoogde onbestendigheid in aandelemarkte sal voortduur, namate die wêreld ekonomie verder in die laaste deel van sy groeisiklus sal inbeweeg.

Suid-Afrika

Die verbetering in besigheids- en verbruikersvertroue na die ANC se verkiesingskonferensie in Desember 2017, is voortgesit in 2018, met die FNB/BEO Verbruikersvertroue indeks wat ‘n rekordhoogte van 26 in die eerste kwartaal van 2018 bereik het. Die oplewing in al drie subindekse – wat die ekonomiese vooruitsig, graderings van huishoudelike finansiële vooruitsigte en die geskiktheid van tydsberekening om duursame goedere aan te koop insluit- weerspieël hernieude optimisme oor die toekoms van die ekonomie en verbruikers se bereidwilligheid om te spandeer. Kredietverlenging in die privaatsektor neem etlike jare reeds af en sal waarskynlik binnekort begin omswaai. Tesame met die verbetering in sentiment, dui dit ook op ‘n toename in huishoudelike verbruik in 2018 en sal ondersteun word deur lae inflasie wat op 3,8% in Maart geëindig het. Die onlangse opwaartse  tendens in die olieprys sal heel moontlik lei tot ‘n matige inflasiestyging in die volgende jaar. RMB Global Markets verwag dat beide hooflyn- en kerninflasie tot diep in 2019 nog rondom die 5%-vlak sal fluktureer.

Na die Reserwebank rentekoerse met 0,25% verlaag het tot 6,5% tydens die Monetêre Beleidskomitee-vergadering in Maart, behoort rentekoerse onveranderd te bly vir die res van die jaar, aangesien die druk op pryse na verwagting sal toeneem. Sedert dié vergadering het oliepryse gestyg tot vlakke wat laas in laat 2014 gesien is, en meer belangrik, hoër as die 2018-voorspelling van die Reserwebank. Dít, tesame met die onlangse verswakking van die Rand teenoor die Amerikaanse dollar, skep positiewe inflasievooruitsigte en sal die Monetêre Beleidskomitee dalk oortuig om rentekoersverlagings vir eers op ys te sit.

Daar word verwag dat die Suid-Afrikaanse ekonomie oor die volgende twee jaar tussen 1,5% en 2% in reële terme sal groei. Alhoewel dit nie juis opwindend klink in vergelyking met die groei van 5% in die meeste ontluikende markte nie, is dit beslis baie beter as die 0,5% wat ons slegs een jaar gelede gesien het. President Ramaphosa sit met byna ‘n dekade van onoordeelkundige fiskale aksies om uit te sorteer, maar het reeds ‘n belowende begin gemaak. In April het hy ‘n veldtog van stapel gestuur om R1,2 triljoen (USD100 miljard) in nuwe beleggings te lok, in ‘n poging om nuwe asem in die ekonomie te blaas na jare van stagnering. Hy het ‘n span van besigheids- en finansieringskundiges aangestel om die regte beleggings wêreldwyd te vind vir hierdie veldtog. Die span ekonomiese gesante sluit beide die voormalige Minister van Finansies, Trevor Manuel, sowel as die afgetrede Uitvoerende Hoof van Standard Bank, Jacko Maree, in.

Markprestasie

Na ‘n baie moeilike eerste kwartaal, het Suid-Afrikaanse aandeelpryse goed herstel, en die FTSE/JSE Alle Aandele Indeks het die maand 5,4% hoër afgesluit. Hulpbron-aandele spesifiek het opbrengste ‘n goeie hupstoot gegee, aangesien die olieprys tot meer as USD 70 per vat gestyg het. SA Genoteerde Eiendom het in April beter presteer as alle ander bateklasse aangesien die groter aandele nog herstel het van hul verliese in die eerste kwartaal. Fortress B (46,2% hoër), Resilient (35,5% hoër) en Redefine (20,3% hoër) was die top-presteerders in die Top 60 vir April. Afgesien van hulpbronaandele, het die groot rand-verskansings aandele ook goed gevaar, met die ondersteuning van die swakker Rand. Wêreld aandelemarkte het tred gehou met die plaaslike markte, gemeet in Randterme, te midde van hoop op verbetering in die handelsgeskil tussen die VSA en China.

Die sterk markherstel wat ons in April gesien het, het ‘n groot bydrae gelewer tot die 12 maande opbrengste van plaaslike en ontluikende markaandele, asook plaaslike effekte, wat gelei het tot dubbelsyfer opbrengste oor een jaar.

 Kommentaar: Lesse van Berkshire Hathaway

In verlede maand se kommentaar, het ons hierdie woorde van Alan Greenspan tydens ‘n gesprek in ‘n 2014-vergadering met Warren Buffett aangehaal: “Warren, it strikes me that if you did nothing else you never sell. That is, if you can grit your teeth through and just disregard short-term declines in the market or even long-term declines in the market, you will come out well. I mean you just stick all your money in stocks and go home and don’t look at your portfolio you’ll do far better than if you try to trade it.”

Op Saterdag, 5 Mei het aandeelhouers van Berkshire Hathaway van regoor die wêreld in die CenturyLink-sentrum in Omaha, Nebraska, byeengekom om te luister na die wyshede van Warren Buffett (nou 87 jaar oud) en sy lewenslange sakevennoot en vriend, Charlie Munger (94). In hierdie maand se kommentaar lig ons graag ‘n paar van die interessante uittreksels van hierdie geleentheid, hulle aandeelhouersbrief wat in Maart vanjaar gepubliseer is asook vorige briewe, uit. Buffett erken self dat hy in sy leeftyd baie foute gemaak het, maar as hy kyk na die opbrengste van aandeelhouers oor meer as vyf dekades, het hy uit meeste van hierdie foute waardevolle lesse geleer:

 Hoekom beleggers nie geleende geld moet gebruik om aandele te koop nie

“There is simply no telling how far stocks can fall in a short period. Even if your borrowings are small and your positions aren’t immediately threatened by the plunging market, your mind may well become rattled by scary headlines and breathless commentary. And an unsettled mind will not make good decisions.”

 Om ‘n geduldige belegger te wees

Rudyard Kipling se gedig:

“When major declines occur, however, they offer extraordinary opportunities to those who are not handicapped by debt. That’s the time to heed these lines from Kipling’s If:

If you can keep your head when all about you are losing theirs …

If you can wait and not be tired by waiting …

If you can think – and not make thoughts your aim …

If you can trust yourself when all men doubt you …

Yours is the Earth and everything that’s in it.”

Oor hoe hy sy 10-jaar weddenskap teen verskansingsfondse gewen het:

“Let me emphasize that there was nothing aberrational about stock-market behaviour over the ten-year stretch. If a poll of investment ‘experts’ had been asked late in 2007 for a forecast of long-term common-stock returns, their guesses would have likely averaged close to the 8.5% actually delivered by the S&P 500. Making money in that environment should have been easy. Indeed, Wall Street “helpers” earned staggering sums. While this group prospered, however, many of their investors experienced a lost decade. Performance comes, performance goes. Fees never falter.

The bet illuminated another important investment lesson: Though markets are generally rational, they occasionally do crazy things. Seizing the opportunities then offered does not require great intelligence, a degree in economics or a familiarity with Wall Street jargon such as alpha and beta. What investors then need instead is an ability to both disregard mob fears or enthusiasms and to focus on a few simple fundamentals. A willingness to look unimaginative for a sustained period – or even to look foolish – is also essential.”

 Oor sy opvolgplan:

“I’ve saved the best for last. Early in 2018, Berkshire’s board elected Ajit Jain and Greg Abel as directors of Berkshire and also designated each as Vice Chairman. Ajit is now responsible for insurance operations, and Greg oversees the rest of our businesses. Charlie and I will focus on investments and capital allocation. You and I are lucky to have Ajit and Greg working for us. Each has been with Berkshire for decades, and Berkshire’s blood flows through their veins. The character of each man matches his talents. And that says it all.”

Aangesien Warren dikwels verwys na die waardevolle bydraes wat sy vennoot, Charlie Munger, gelewer het, sluit ons graag af met ‘n paar van Munger se beste aanhalings:

“If you’re a duck on a pond, and it’s rising due to a downpour, you start going up in the world. But you think it’s you, not the pond.

Les: Moenie in die slaggat van selfvoldaanheid trap nie. Bly altyd bewus van die onderliggende redes vir jou sukses of mislukking.

“I think the reason why we got into such idiocy in investment management is best illustrated by a story that I tell about the guy who sold fishing tackle. I asked him, ‘My goodness, they’re purple and green. Do fish really take these lures?’ And he said, ‘Mister, I don’t sell to fish.’”

 Les: Maak seker jy verstaan ​​die motiverings van die mense waarmee jy saamwerk.

“In my whole life, I have known no wise people (over a broad subject matter area) who didn’t read all the time — none, zero. You’d be amazed at how much Warren reads–and at how much I read. My children laugh at me. They think I’m a book with a couple of legs sticking out.”

Les: Moet nooit ophou leer nie. Wysheid kom net soveel van die begeerte om te leer as van die kennis wat verkry word.

En laastens, oor die onderwerp van beleggings:

“When any person offers you a chance to earn lots of money without risk, don’t listen to the rest of their sentence.”

Les: Daar bestaan nie iets soos ‘n kitsoplossing in beleggings nie. As die potensiële opbrengste hoog is, is die risiko ook hoog.

Bron: APS Maandelikse Kommentaar


Leave a Reply

Your email address will not be published. Required fields are marked *

3 + seventeen =

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>